Корпоратив карта билан харид бўйича хатоликни тузатувчи ўтказмалар

2017 йил молиявий йил таҳлил қилинганда, корхона номига расмийлаштирилган ва раҳбарга бириктирилган корпоратив картадан товар харид қилинган. Чек мавжуд, бироқ уни қандай товар эканлигини билишнинг имкони мавжуд эмас. Бу ҳолда ушбу товарнинг корхона эхтиёжлари йўлида харид қилинганми ёки йўқми, билишнинг имкони мавжуд эмас. Аввалги бухгалтер карта сақловчисидан харид қилиш актини расмийлаштирмаган. Тегишинча, Дт5530 Кт5110, Дт4230 Кт5530, Дт1090 (бошка ТМЗ) Кт6970, Дт6970 Кт4230, Дт9420 Кт1090 ўтказмалар амалга оширилган. Моҳиятан харид қилинган товарнинг корхона эҳтиёжи учун зарур бўлганлигини исботловчи факт мавжуд эмаслиги сабабли, ушбу суммани раҳбарнинг ойлигидан ушлаб қолиш зарур. Сарфланган сумма етарлича кичик эканлиги сабабли хатони муҳим эмас деб ҳисоблаш мумкин.