Ушбу бинони балансга кирим қилишда у бошқа операцион даромадлар сифатида тан олиниши лозим.

Агар корхонангиз ҳудудидаги йўлакча (тротуар) алоҳида лойиҳа-смета ҳужжатларига мувофиқ қурилган бўлса, ерни ободонлаштириш сифатида асосий восита деб тан олиш мумкин.

Бинони бузиш ҳам қурилиш ишлари ҳисобланади ва унинг ўрнида қурилаётган янги бинонинг бошланғич қийматига унинг харажатлари киритилади.

Ҳар бир коммуникация объектини алоҳида ҳисобга олиш ёки умумий тарзда юритиш масаласи заводнинг тузилишига ва тармоқларнинг хизмат қиладиган қисмларига боғлиқ.

Асосий воситаларнинг чиқиб кетиши ҳисоби 5-сон БҲМС «Асосий воситалар»нинг 9-бобига асосан юритилади .

Дастлаб лифт сотиб олиш харажатларини ҳисобга олинган қиймати бўйича 1010 счётда акс эттирилади.   

Қўниш ва учиш майдончаси иншоот бўлганлиги сабабли уни 0120 “Бинолар, иншоотлар ва узатувчи мосламалар” ҳисобига кирим қилиш мумкин.

Асосий воситалар корхона балансига сотиб олиш қиймати (етказиб берувчига тўланган сумма) ва асосий воситаларни харид қилиш билан боғлиқ барча харажатларни ўз ичига олган бошланғич қиймати бўйича киритилиши лозим.

Автомототранспорт воситалари билан амалга оширилган битимлар нотариал тартибда тасдиқланиши керак.

Оператив бошқарув ҳуқуқи нима эканлиги ФК 178-моддаси билан белгилаб қўйилган.

Ҳа, агар корхона грант маблағлари ҳисобидан ўзи фойдаланиши учун асосий воситаларни сотиб олса, улар корхона балансига кирим қилинади.

Активни сотган ва ўрнатган мол етказиб берувчи билан расмийлаштирилган бирламчи ҳужжатларлар уни тан олиш учун асос бўлади.

АВ тугатилганда келгуси фойдаланиш учун яроқли бўлган қисмлар, эҳтиёт қисмлар, материаллар жорий нарх бўйича ТМЗ сифатида балансга қабул қилинади.

Агар дастгоҳни ўрнатиш учун жой тайёрланганлиги ўша жойни ўз ичига олувчи бино-иншоотнинг самарадорлигини оширса, у ҳолда жойни тайёрлаш учун қилинган харажатлар бинонинг бошланғич (тиклаш) қийматини оширади.

Қурилиш корхонасига фойдаланиш ҳуқуқи асосида ажратилган, кейинчалик реализация қилиш учун бино қуриш мўлжалланган ер участкаси корхонанинг асосий воситаси ҳисобланмайди.