Қишлоқ хўжалик маҳсулотларини сотиб олиш учун берилган моддий ёрдам суммалари меҳнатга ҳақ тўлаш кўринишидаги даромад эмас, бу жисмоний шахсларнинг бошқа даромади. Шу сабабли ижтимоий солиқ бўйича солиқ оқибатлари йўқ.

Ҳа, ушбу маблағлар чегирилмайдиган харажатлар ҳисобланади ва уларга жисмоний шахслардан олинадиган даромад солиғи солинади.

I ва II гуруҳ ногиронлари солиқ солишдан қисман, даромад олинган ҳар бир ой учун энг кам иш ҳақининг (ЭКИҲ) тўрт баравари миқдоридаги даромадлар бўйича, озод қилинади.

ЖШДС ва ЯИТ бўйича ҳисоботнинг 5-иловасида фақат меҳнатга ҳақ тўлаш билан боғлиқ маълумотлар, 6-иловада эса меҳнатга ҳақ тўлаш билан боғлиқ бўлмаган тўловларга оид маълумотлар акс эттирилади.

Ходимлар даромадларининг қонун ҳужжатларида белгиланган ҳолларда олинган ипотека кредитлари ва ўқиш контрактларини тўлашга йўналтирган қисми ЖШДСдан озод қилинади.

Йўқ, ШЖБПҲга ўтказилган ихтиёрий бадаллар жисмоний шахсларнинг даромадларидан олинадиган солиққа (ЖШДСга) тортилмайди

Жисмоний шахслар пахта терими ишларига жалб қилинган тақдирда, уларнинг бу ишларни бажаришдан олган даромадларига ЖШДС, ПФга суғурта бадали, ЯИТ солинмайди. Бироқ, сизнинг ҳолатингиз ностандарт вазият бўлгани учун имтиёзларни қўллашингиз мумкинлигига айрим шубҳалар мавжуд.

СКнинг 179-моддаси 1-бандида кўрсатилган имтиёзларнинг ҳаммасини баравар қўллаш мумкин. Бунда моддий ёрдам суммаси йиллик асосда ҳисобланади

Ҳа, имтиёзга эга бўлади. Стационар ва амбулаторияга қатнаб даволаниш ҳақини тўлаб бериш ёки уларнинг ўрнини қоплаш қийматини тўлаш ходимнинг моддий наф тарзидаги даромади ҳисобланади ва уларга ЖШДС солинмайди. 

Президентнинг 01.04.2017 йилдаги ПҚ-2863-сон Қарорига биноан – хорижий шифокорлар ва замонавий тиббиёт асбоб-ускуналарига хизмат кўрсатадиган техник мутахассисларга тузилган меҳнат шартномалари доирасида олинадиган даромадлар бўйича жисмоний шахслар даромад солиғини тўлашдан, шунингдек улар бўйича ягона ижтимоий тўловдан озод этилади. 

Имтиёз фақат даромад олинган ойлар учун қўлланилади.