Молиявий ижара шартнома шартларида ижара объекти тўғридан-тўғри ижарага олувчига етказиб берилиши айтиб ўтилган бўлса, ижарага берувчи божхона юк декларацияси, ЭҲФ ва бошқа бирламчи хужжатлар орқали ўзида ижара объекти киримини, сўнгра чиқимини ЭҲФ асосида амалга оширади.

Қабул қилиш-топшириш далолатномаси билан бир вақтда ЭҲФ расмийлаштирилади.

Лизингга олувчида лизинг операциялари ҳисоби Бухгалтерия ҳисобида ижара операцияларини акс эттириш тартиби тўғрисида Низомнинг 19-28-бандларига мувофиқ амалга оширилади.

Агар лизингга берувчи корхона чет эл компаниясига тегишли бўлган мулкни сублизингга берса, лизинг тўловларини чет эл валютасининг курсига боғлаб белгилаш мумкин.

Сизнинг вазиятингизда шартнома томонларидан бири ўзгарди, мажбуриятларда шахслар ўзгариши юз берди

Лизинг бўйича фоиз харажатлари лизингга олувчи томонидан фойда солиғи бўйича солиқ базасини аниқлашда чегириладиган харажатлар ҳисобланади.

Кафиллик шартномаси асосида лизинг тўловини учинчи томон тўлаб берганида, корхонангиз унинг олдида қарздор бўлиб қолади.

Лизинг объектига бўлган мулк ҳуқуқи лизинг берувчидан учинчи шахсга ўтганда, лизинг олувчи билан тузилган лизинг шартномаси янги мулкдор учун ўз кучини сақлаб қолади.

Лизинг олувчи лизинг объектини 0310 – «Молиявий ижара шартномаси бўйича олинган асосий воситалар» счётида ҳисобга олади.

Мол-мулкни лизингга беришда чиқиб кетаётган активнинг ҚҚС кирмаган қиймати ҚҚС солинадиган база деб ҳисобланади. Бунда чиқиб кетаётган активнинг қиймати сифатида бухгалтерия ҳисобида бухгалтерия ҳисоби тўғрисидаги қонун ҳужжатларига мувофиқ аниқланадиган актив қиймати тан олинади.

Лизинг бўйича операциялар 6-сон БҲМС ва АВда 01.06.2009 йилда 1961-сон билан  рўйхатга олинган Низомга асосан ҳисобга олинади. Бунда қандай солиқлар тўлаш мажбурияти юзага келиши солиқ тўловчи қўллайдиган солиқ солиш тартибига боғлиқ.