Мажбуриятни бажарган кафилга кредиторнинг ушбу мажбурият бўйича ҳуқуқлари кафил кредиторнинг талабини қанча ҳажмда қаноатлантирган бўлса, шунча ҳажмда ўтади.

Чет эл валютасидаги қарз бўйича курс фарқи ҳар ойнинг охирги санасида ва операциялар амалга оширилган кунда акс эттирилади.

Чет эл валютасидаги кредит ва қарзлар – монетар моддалардир.

Ходим фарзандининг хусусий мактабда ўқиши учун тўловни амалга ошириш учун қарз шартномасини тузиш лозим.

Корхонангиз ижтимоий соҳада фаолиятни амалга оширувчи шахс деб эътироф этилиши учун тиббиёт фаолиятидан олинган даромадлари текин олинган мол-мулк тарзидаги даромадлар ҳисобга олинган ҳолда жами йиллик даромадининг камида 90%ини ташкил этиши шарт.

АЁҚШ учун газ компрессорларини ўрнатиш ва уларни ишлатишга тайёрлаш, шунингдек қўшимча равишда сотиб олинган АЁҚШни ишлатишга тайёрлаш салмоқли вақт талаб этса, у ҳолда улар квалификацияланган активлар бўлиб ҳисобланади ва мазкур кредитлар бўйича фоизларни харид қийматига қўшиш орқали улар капитализация қилинади.

Экскаваторни қабул қилиш ва топшириш орқали молиявий қарзни сўндиришда нархни келишиш баённомаси расмийлаштирилади.

Йўқ, корхонангиз Ўзбекистон Республикаси резиденты бўлган жисмоний шахсдан АҚШ долларида қарз ололмайди.

Корхона исталган шахсга қарз бериши мумкин.

Комиссионернинг ускуна бўйича қарзининг узоқ муддатли (12 ойдан ошган) қисмини  комитент ўз ҳисобида  0940 "Бошқа узоқ муддатли дебиторлик қарзлари" счётининг дебетида, жорий қисмини эса  4890 "Бошқа дебиторлар қарзлари"счётининг дебетида акс эттиради.

Займ шартномаси бўйича олинган товар-моддий бойликларни қайси нархда қайтаришни корхона ўзи белгилайди. Вазиятдан келиб чиқадиган солиқ оқибатларини ҳисобга олиши ва солиқларни тўғри ҳисоблаб бюджетга тўлаб бериши керак.

Қарз берувчи (Фарҳод МЧЖ) бу ҳолатда ҳеч қандай даромад кўрмаяпти, шу сабабли унинг учун фойда солиғи бўйича солиқ оқибатлари келиб чиқмайди.

Қарздан воз кечиш учун икки томон ўртасида қарздан воз кечиш шартномаси тузилади. Натижада кредиторда солиқ оқибатлар юзага келади.