Жавоб берамиз
Жиноят ҳуқуқи
Қандай қилиб 2010 йилдаги судланганликни олиб ташлаш мумкин?
Судланганлик ҳолати тугалланиши шахснинг судланганлиги факти билан боғлиқ барча оқибатларнинг жазо тури ва муддатидан келиб чиққан ҳолда ЖК 78-моддасида назарда тутилган муддатлар ўтганлиги натижасида автоматик тарзда (ўз-ўзидан) барҳам топишини англатади.
Муддати ўтган дебиторлик ва кредиторлик қарздорлиги учун корхона раҳбари ва бош ҳисобчи қандай ҳолатда маъмурий ва жиноий жавобгарликка тортилиши мумкин (сумманинг ахамияти борми)?
Дебитор қарздорлик мавжудлиги ўзидан-ўзи жиноят деб ҳисобланмайди, аммо ушбу ҳолат юзага келганда мансабдор шахслар маъмурий жавобгарликка тортиладилар
Жисмоний шахсга кулланган ЖК-189-моддасини олиб ташланиши учун, яъни ЖК-79 моддасига асосан нима килиниш керак ёки 79-моддани кулланганлигини фойдаси йукми... ва буни жисмоний шахс узи бажара оладими ёки адвокат ёлланиши шартми?
Бунинг учун судланган шахснинг доимий прописка қилинган жойи бўйича туман (шаҳар) жиноят ишлари бўйича судга тегишли ариза билан мурожаат қилиш мумкин. Бунда ўзини-ўзи бошқариш органлари (маҳалла қўмитаси) ёки ишхона жамоасининг илтимосномаси ва адвокат иштироки тавсия этилади. Аммо қонун бўйича бу шарт эмас.
Паспортнинг ксеронусхасини қалбакилаштириш ва мазкур ксеронусхани (паспортнинг асли ўрнига) ишга кириш учун тақдим этиш Жиноят Кодексининг 228-моддасининг биринчи ва учинчи қисмлари таркибини берадими?
Ишга қабул қилаётганда паспортнинг ишониб бўлмайдиган нусхаси тақдим этилиши ЖКнинг 228-моддаси билан жиноий жавобгарликка тортилишга сабаб бўла олмайди.
Бизнинг Facebook
Телеграм канали @uz_buxgalter
