Ёқилғи сарфи нормаларини белгилашда автомашинанинг техник ҳужжатларидаги маълумотлардан фойдаланиш мумкин, унинг техник характеристикаларида бензин (ва/ёки электроэнергия) сарфи кўрсатилган бўлади.

Бухгалтерия ҳисоби мақсадларида корхона товарнинг келиб тушиши ва сотилишини ўзининг ҳисоб сиёсати ёки ТМЗларни ҳисобга олиш бўйича бошқа маҳаллий ҳужжатларда белгиланган қоидаларга мувофиқ номенклатура бўйича ҳисобга олишга ҳақли.

Табиий камайиш меъёрлари ваколатли органлар томонидан белгиланади. Агар қонун билан тасдиқланган меъёрлар мавжуд бўлмаса, корхона уларни ўзи ишлаб чиқади.

Товарларни сақлаш, уларга ишлов бериш ва уларни сортларга ажратиш харажатлари – сотиш харажатларидир.

Товарларга бўлган мулк ҳуқуқини ҳақ олиш асосида ўтказиш уларни реализация қилиш деб эътироф этилади.

Табиий йўқотишларни реализация харажатларига олиб боринг.

Мажбуриятларни янгилаш (новация) шартномасининг имзоланиши билан товарни қайтариш шаклидаги мажбурият унинг қийматига тенг пул маблағларини тўлаб бериш мажбурияти билан алмаштирилади.

Солиқ базаси аниқлашга талаб бухгалтерия ҳисбининг элементи ҳисобланмайди.

Буюртмачи меҳнат қуроллари ва инвентарларни пудратчига берганида, улар буюртмачининг балансидан чиқиб кетади. Ундан кейин улар буюртмачининг ҳисобида юритилмайди.

Асосий воситалар ва инвентарларнинг буюртмачи томонидан қурилиш ташкилотига берилиши ва қайтариб олиниши қандай эътироф этилиши шартнома шартларига боғлиқ.

Ҳа, корхона таркибидаги қурилиш-таъмирлаш участкаси мустақил МЧЖга айлантирилганда, шу участкада мавжуд бўлган ТМБлар ва ишчи-ходимлар махсус кийимларини МЧЖга шартнома асосида реализация қилиш мумкин.

Агар шартномада товарлар номи умумлаштириб, мисол учун, “Сантехника қурилиш моллари” деб ёзилса, ҳамда ўлчов бирлиги «сўм» кўрсатилса, шунингдек, ҳисобварақ-фактура ҳам айнан шундай расмийлаштирилса, қайси товар қанча миқдорда сотилганини аниқлаш имкони бўлмайди.

Инвентарлаш натижалари бўйича инвентарлаш комиссияси навлар аралашиб кетишини ҳисобга киритиш тўғрисидаги таклифни бериши мумкин.

Металл чиқиндиларни кирим қилиниши корхона учун бошқа даромад ҳисобланади.