Масъул сақлашга қабул қилинган товар-моддий қийматликлар балансда ҳисобга олинмайди. Уларнинг ҳисоби балансдан ташқари счётда юритилади.

Сизнинг вазиятингизда телевизорларни бухгалтерияга кирим қилиш ва сотишга доир ҳужжатларда уларнинг русумлари адаштирилганлиги эҳтимоли катта.

Инвентаризация натижалари бўйича бухгалтерия ўтказмалари Инвентаризация жараёнида аниқланган мол-мулк камомади ва ортиқчасининг бухгалтерия ҳисоби тартиби тўғрисидаги Низомга мувофиқ амалга оширилади.

Инвентаризация натижасида аниқланган камомадлар бухгалтерия ҳисобида қандай акс эттирилиши АВда 2004 йил 6 апрелда 1334-сон билан рўйхатга олинган Низомда тўлиқ ёритилган.

Инвентаризация натижасида аниқланган фойдаланишдаги инвентарлар ҳақиқатда аввал корхонада ҳисобдан чиқарилиб, лекин 014 счётига кирим қилинмаган бўлса, буни тасдиқловчи ҳужжатлар асосида 014 счётда ҳозирда акс эттирилади.

Инвентаризация натижалари бухгалтерияда Инвентаризация жараёнида аниқланган мол-мулк камомади ва ортиқчасининг бухгалтерия ҳисоби тартиби тўғрисидаги Низомга асосан акс эттирилади.

Қайта навларга ажратиш натижасида ортиқча чиқиш ва камомадлар ўзаро ҳисобга олинади.

Инвентаризация натижасида аниқланган камомад бозор қийматида ундирилади.

Бухгалтерия ўтказмаларида 5910 “Камомадлар ва қийматликларнинг бузилишидан йўқотишлар” счётини қўллашни тавсия этамиз.

Товарнинг бозор нархи – бу муайян пайтда ушбу товарни сотиб олиш учун етарли бўлган сумма. Бозор нархини сизга товар етказиб берадиган корхонанинг нархлари бўйича аниқлашингиз мумкин.

Ҳисобга олинмаган объектларни инвентаризация ўтказиш натижасида ҳисобга олишингиз мумкин. Лекин аввал, объектлар айнан сизнинг ер участкангизда жойлашганига ва улар ўзга шахсларга тегишли эмаслигига ишонч ҳосил қилинг.

Корхоналарда ТМЗ таннархи бўйича ҳисобга олдинади. Корхонанинг бошқа ташкилотга сақлаш учун берган мол-мулки корхона балансидан чиқарилмайди ва алоҳида счётда ҳисобга олинади. Мол-мулкни сақлаш шартномаси бўйича келтирилган зарар суммаси 4860 “Даъволар бўйича олинадиган счётлар”да акс эттириш мумкин.