Фуқаролик кодексига мувофиқ ишончнома кўпи билан уч йил муддатга берилиши мумкин.

Аниқланган нуқсонлар юзасидан далолатнома тузилганда, нуқсон қиймати 4860 “Даъволар бўйича олинадиган счётлар”га олиб борилади ва нуқсоннинг бартараф этилиши ҳам яна шу счетдан амалга оширилади.

Ишлаб чиқариш-техника бўлими ёки бошқа бўлимлар корхона бухгалтериясига қандай ҳужжатларни топшириши ёки топширмаслиги қонунчилик томонидан белгиланмаган.

Бухгалтерия ҳужжатлари ва солиқ солиш объектларини ҳисоби ҳужжатларини 5 йил сақлаш лозим. Шахсий таркиб бўйича ҳужжатларни (шахсий таркиб бўйича буйруқлар, иш ҳақини ҳисоблаш бўйича ҳужжатлар ва бошқалар) – 75 йил.

Корхона берилган ишончномаларни ҳисобга олиш журналини юритишни танлаган экан, унинг барча устунлари, шу жумладан «Ишончнома олган шахснинг имзоси» устуни тўлдирилган бўлиши керак.

Бошланғич ҳужжатларни йўқотиш ҳолларида корхона раҳбари буйруқ билан йўқотиш сабабларини текшириш бўйича комиссия тайинлаши мумкин.

Моддий жавобгар шахс сотиш учун олинган товарни ЯТТдан нақд пулга харид қилган бўлса, НКМ чеки бўлиши лозим

Бухгалтерияда «ҳисобга олиш регистри» дейилганда бирламчи ҳужжатлардаги маълумотлар киритиладиган турли жадваллар тушунилади.

Ҳужжатларни расмийлаштириш тартиби АВ томонидан 2004 йил 14 январда 1297-сон билан рўйхатга олинган "Бухгалтерия ҳисобида ҳужжатлар ва ҳужжатлар айланиши тўғрисида"ги Низом билан тартибга солинади

Йўқ, корхона электрон шаклда топширган ҳисоботларини, банк кўчирмаларини ва тўлов топшириқномаларини қоғозга чоп этиб сақлаши мажбурий эмас.

Аниқ бир мақсадга йўналтирилмаган имтиёзлар бухгалтерия ҳисобининг баланс счётларида акс эттирилмайди ва молиявий натижаларнинг шаклланишига таъсир кўрсатмайди.

Узлуксиз товарларни етказиб бериш амалга ошираётган солиқ тўловчилар ойнинг охирги кунида бир марта ҳисобварақ-фактура ёзишлари мумкин.

Фойда (даромад) ёки солиқ солинадиган бошқа объектларнинг ҳисобини олиб бормаслик ёхуд бундай ҳисобни белгиланган тартибни бузган ҳолда олиб бориш, башарти бу ҳаракатлар тўланиши лозим бўлган солиқнинг ёки бошқа мажбурий тўловларнинг суммасини камайтиришга олиб келса Маъмурий жавобгарлик тўғрисидаги кодекснинг 175-моддасида кўрсатилган тартибда жарима солишга сабаб бўлади.

Йўқ, комитент томонидан воситачига товар берилганда ЭҲФ эмас, балки қабул қилиш-топшириш далолатномаси расмийлаштирилади.

ТМЗларни беришда электрон ишончномани ёзиб бериш керак.