0810 счётида (қурилиш пудрат ёки хўжалик усулида амалга оширилишдан қатъи назар) қурилиш сметалари, смета-лойиҳа ҳисоб-китобларида келтирилган бино ва иншоотларни барпо этиш билан боғлиқ харажатлар акс эттирилади.

Активларнинг тан олиниш шартларидан бири, корхонага келгусида улар билан боғлиқ иқтисодий наф келиб тушишига ишончдир.

Автомашинанинг газ баллони алмаштирилганида, алмаштирилган газ баллони қиймати харажатга олиб борилади, янги ўрнатилган газ баллони эса автомашинанинг бошланғич (тиклаш) қийматига киритилади.

Ерни ободонлаштириш мол-мулк солиғи солиш объекти ҳисобланмайди.

Модернизация ишлари босқичма-босқич амалга оширилса, ҳар бир босқич давомида бажарилган ишлар қиймати босиқчма-босқич расмийлаштирладиган ҳисобварақ-фактура асосида “Капитал қўйилмалар” счётида жамланади. Бунда ҳар бир босқичдан кейинги ҳолатни анализ қилиб кўриш керак.

Асосий воситалар объектларини фойдаланишга берилганда 0810 "Тугалланмаган қурилиш" счёти дебетида йиғилган сумма тегишли равишда 0110-0190 счетлар дебетига ўтказилади.