• beta

Жавоб берамиз

Ходимлар билан ҳисоб-китобларнинг ҳисоби

Юқорида кўрсатилган вазиятда қоровулга иш хақи қандай хисобланади?


Меҳнат кодексига мувофиқ, сутканинг тунги вақтига тўғри келувчи қисмида меҳнат фаолиятини амалга оширишда унга ишнинг ҳар бир соати учун камида 1,5 баравар миқдорда ҳақ тўланиши белгиланган.

Наряд (ишбай) асосида иш ҳаки оладиган ходимнинг меҳнат таътили вақти учун тўланадиган ҳақ қандай хисобланади?


Йиллик таътиллар даври учун ходимга (у қандай тартибда иш ҳақи олишидан қатъий назар) ўртача иш ҳақидан кам бўлмаган миқдорда ҳақ тўланади. Ўртача ойлик иш ҳақи ВМнинг қарори билан тасдиқланган Тартибга мувофиқ ҳисоблаб чиқарилади.

Корхона барча ходимларини 5 кунлик иш кунидан 4 кунлик иш куни, яъни тўлиқсиз иш ҳафтасига вақтинча ўтказилганда, белгиланган ойлик тариф ставка (разряд)лар асосида ишловчи ходимларига иш ҳақи қандай ҳисобланади?


Корхонангиз қисқартирилган иш ҳафтасини жорий қилган бўлса, ушбу давр учун белгиланган меҳнат нормасини (иш ҳажми, соатлари) тўлиқ бажарган ходимларга ҳар ойда иш кунларининг сони ҳар хил бўлишидан қатъий назар иш ҳақини тўлиқ миқдорда тўлаши керак.

0,5 ставкада ўриндошлик асосида ишлаётган ходимга 400 000 сўм иш ҳақи хисобланса амалдаги энг кам иш ҳақига тўғри келадими, яъни бунда қонунчиликда бирор меъёр белгиланганми?


Меҳнат ҳақи қонун ҳужжатлари билан белгиланган энг кам миқдордан оз бўлиши мумкин эмас.

1. Ходимга даволаниш харажатларининг бир қисмини корхона томонидан тўлаб берилишини бухгалтерия ҳисобида қандай акс эттирилади? 2. Томонлар учун ходимга даволаниш харажатларининг бир қисмини корхона томонидан тўлаб берилиши, қолган қисмини иш ҳақидан ушлаб қолиниши қандай солиқ оқибатларига олиб келади?

Ушбу фуқароларнинг ойлик иш хақидан даромад солиғи 2018 йилда юқори ставдкада ушлаб қолиниши керакми ёки 2018 йилдаги амалда бўлган шкала бўйичами?


Жисмоний шахсларнинг даромад солиғи 2018 йилда қайси ставкада ушлаб қолиниши сизнинг корхонангиз ушбу ходим учун асосий иш жойи ёки ўриндошлик асосида ишлайдиган иш жойи бўлганлигига боғлиқ.

МЧЖ директорининг фарзанди боғчасига корхона ҳисобрақамидан тўланган суммалар ЖШДСга тортиладими?


Ҳа, тортилади.

Агар 2 гуруҳ ногирони бўлган бухгалтер ёки менеджер ўриндошлик асосида бошқа жойда ҳам ишласа, икала корхона хам Солиқ кодексининг 158-моддасидаги имтиёздан фойдаланадими ёки имтиёздан фақат ногиронларнинг асосий жойидаги корхона фойдалана оладими?


Агар ногирон ходим иш ўринлари аттестацияси натижаларига зид равишда ишга олинса (шу жумладан, ўриндошлик асосида ҳам), бундай корхона СКнинг 158-моддаси 3-қисмидаги имтиёздан фойдалана олмайди.

Корхонага ишга қабул қилинган янги ишчиларга синов муддати давомида қайси оклад бўйича иш хақи ҳисобланиши керак?


Муайян давр учун белгиланган меҳнат нормасини ва меҳнат вазифаларини тўлиқ бажарган ходимнинг ойлик меҳнат ҳақи қонун ҳужжатларида Меҳнатга ҳақ тўлаш ягона тариф сеткасининг 1-разряди бўйича белгиланган миқдордан оз бўлиши мумкин эмас.

Байрам муносабати билан ходимларга берилган совға қиймати фойда солиғига тортиладими?


Солиқ тўловчининг СКнинг 177-моддасида назарда тутилган, жисмоний шахснинг моддий наф тарзидаги даромадлари ҳисобланадиган харажатлари фойда солиғи солинадиган фойдани аниқлашда чегирилмайдиган харажатлар жумласига киради.

1. Спортчилар (ФҲШ шартнома асосида ишга жалб қилинган) мусобақада иштирок этганда уларга қилинган йўл ва яшаш харажатлари қандай харажатлар қаторига қўшилади, хизмат сафари харажатлари деб эътироф этиш мумкинми? 2.Бунда қандай солиқ мажбуриятлари юзага келади?


ФҲШ асосида ишлаган шахсларга қоплаб берилган харажатлар суммаси меҳнатга ҳақ тўлаш харажатлари сифатида ҳисобга олинади. Ушбу тўловлардан ЖШДС ушлаб қолиш ва улар бўйича ЯИТ тўлаш мажбурияти юзага келади.  

Ишчиларга бепул овқат берилса қандай солиқ оқибатлари юзага келади?


Ходимлар бепул овқат билан таъминланганда унинг қиймати ЖШДС ҳамда ЯИТга тортилади.

Ходимлар даромадларининг ипотека кредитлари ва ўқиш контрактларини тўлашга йўналтирган қисми бўйича қандай солиқ имтиёзлари мавжуд?


Ходимлар даромадларининг қонун ҳужжатларида белгиланган ҳолларда олинган ипотека кредитлари ва ўқиш контрактларини тўлашга йўналтирган қисми ЖШДСдан озод қилинади.

Меҳнатга қобилиятсизлик нафақасига ягона ижтимоий тўлов ҳисобланадими?


Йўқ, меҳнатга вақтинча лаёқатсизлик нафақаси жисмоний шахснинг “бошқа даромади” ҳисобланади, шунинг учун у ягона ижтимоий тўловга тортилмайди.

Ҳомиладорлик ва туғиш нафақаси неча фоиздан ҳисобланади?


Ҳомиладорлик ва туғиш бўйича нафақа, ходимнинг иш стажидан қатъий назар, иш ҳақининг 100 фоизи миқдорида берилади.