Хостел - асосан бюджетли туризм учун, турли сиғимли номер (хона)ларга эга ва санузеллари номер (хона)лардан ташқарида бўлган, шунингдек, меҳмонлар мулоқоти учун алоҳида жойга эга вақтинча яшаш учун мўлжалланган жойлаштириш объекти.

Хизматлар кўрсатилганлиги фактини тасдиқловчи ҳисобварақ-фактура ёки бошқа ҳужжат расмийлаштирилган (имзоланган) сана хизматларни реализация қилиш бўйича айланма амалга оширилган санадир.

Туристик (меҳмонхона) йиғимини тўлаш тартиби Ўзбекистон Республикаси ҳудудида туристик (меҳмонхона) йиғимни ундириш тартиби тўғрисидаги Низом билан белгиланган.

Туризм хизматлари ҳақиқатда Ўзбекистон Республикаси ҳудудида кўрсатилганида, ҚҚС солиш мақсадида уларни реализация қилиш жойи Ўзбекистон деб тан олинади.