Олинган кредит бўйича фоизлар ва салбий курс фарқлари жорий мажьуриятларни вужудга келтирадиган харажатдир ва солиқ имтиёзлари натижасида бўшайдиган маблағлар ҳисобидан қопланиши мумкин.

Ажратилган субсидиялар, яъни, иқтисодиётни ривожлантириш мақсадида белгиланган шартлар учун корхоналарга давлат томонидан пул ёки натура кўринишида кўрсатилган ёрдам суммаси ва ҳаракати тўғрисидаги маълумотларни умумлаштириш учун 8820 «Субсидиялар» счёти мўлжалланган.

Мақсадли киримларни бухгалтерия ҳисобида акс эттириш учун сиз шартнома шартларидан келиб чиқишингиз керак. Катта эҳтимол билан бу грантлар бўлиши мумкин.

Олинган грантлар ҳисоби бюджет ташкилотлари учун белгиланган счётларда амалга оширилади.

Cиз томонингиздан қўлланилган бухгалтерия ўтказмалари нотўғри.

Валюта моддаларини қайта баҳолаш мазкур лойиҳа доирасида фаолият кўрсатаётган доимий муассаса учун солиқ оқибатларини вужудга келтирмайди. 

Йўқ, мақсадли фойдаланиш сметаларига мувофиқ келиб тушган ва сарфланган маблағлар «Молиявий натижалар тўғрисидаги ҳисобот» 2-сон шаклида  акс эттирилмайди.

Ҳа, ушбу харажатларингиз мақсадли ҳисобланади.

Бюджет кодексининг 60-63-моддаларида кўрсатилган қўшимча даромад олувчи бюджет ташкилотлари 01.01.2023 йилгача ундириладиган барча солиқ турларидан, Республика йўл фонди йиғимларидан ва давлат мақсадли жамғармаларига мажбурий тўловлардан озод қилинган.

Имтиёзларни қўллаш натижасида бўшаган маблағлар белгиланган мақсадларга йўналтирилганда Дт 8840 – Кт 8530 бухгалтерия ўтказмаси берилади.

Бўшаган маблағларни хусусий тиббиёт хизматларини кўрсатиш учун мўлжалланган бино ва хоналарни капитал таъмирлашга йўналтириш белгиланган мақсадга мувофиқ бўлади.

Солиқ имтиёзларини қўллаш натижасида бўшаган маблағлар АВда 02.04.2005 йилда 1463-сон билан рўйхатга олинган Низомда белгиланган тартибда ҳисобга олинади.

Таҳлика жамғармаси тузиш учун корхона раҳбари ва касаба уюшмаси ёки ходимларнинг бошқа вакиллик органи ўртасидаги келишувга асоан раҳбарнинг буйруғи чиқарилади. Корхонада жамғарма ҳисобига камомадларни қоплаш тартиби тасдиқланади.

Корхоналарга берилган имтиёзларни бухгалтерияда расмийлаштириш ва акс эттириш, уларни бериш муносабати билан бўшаган маблағлардан фойдаланиш Низом (АВ 02.04.2005 й. 1463-сон) билан тартибга солинади.

Имтиёзларни бухгалтерия ҳисобида акс эттириш АВда 02.04.2005 да 1463-сон билан рўйхатга олинган Низомга асосан амалга оширилади.