Агар корхона имтиёзни қўллаш шартларига жавоб берса, солиқ органига мурожаат йўллаб, солиқ органининг маъқуллашини олиши лозим.

0940 счётида акс этган узоқ муддатли дебиторлик қарзи ўзича мол-мулк солиғи бўйича солиқ оқибатларини келтириб чиқармайди.

Тўланган давлат божининг фойда солиғи бўйича солиқ оқибатлари вазиятдан келиб чиққан ҳолда турлича бўлиши мумкин.

Агар 20% ставкада жалб қилинган маблағлар даромад олишга қаратилган фаолиятда фойдаланилган бўлса, у бўйича фоизли харажатлар (шу жумладан 1,5% фарқ суммаси ҳам) фойда солиғи ҳисобида чегириладиган харажат деб қаралади.

Агар контракт бир неча солиқ даври давомида бажарилса ва унда ишларни босқичма-босқич топшириш белгиланмаган бўлса, даромадни ишлар якунланганида бир йўла тан олиш тўғри эмас. Бу ҳолда даромад контрактнинг қай даражада бажарилганига қараб ҳар бир ҳисобот даврида тан олинади.

Бундай муносабатлар учун амалдаги қонунчиликда алоҳида ҳуқуқий конструкция назарда тутилмаган. Амалда томонларнинг келишувига қараб инвестиция шартномаси, оддий ширкат, қарз шартномаси ёки аралаш турдаги шартнома расмийлаштирилиши мумкин.

Тушумнинг табиий газни реализация қилишдан олинган қисми полиэтилен гранулаларини реализация қилишдан олинган тушумдан кўп бўлганининг ўзи корхонани 15 фоизлик фойда солиғи тўловчиси сифатида эътироф этиш учун асос бўлмайди.

Квартиралар УФга улуш сифатида бошқа компанияга қурилишнинг ҳақиқий таннархидан паст баҳолаш қиймати бўйича берилганда, солиқ органлари томонидан фойдаланиладиган квартираларнинг бозор қийматини ҳисобга олган ҳолда солиқ базасига тузатиш киритиш зарур.

Суд қарорига асосан ундирилган пеня корхона учун бошқа операцион даромад ҳисобланади ва фойда солиғи бўйича солиқ солиш объектига киради.

Ҳомийлик хайрияси бухгалтерия ҳисобида операцион харажат сифатида акс эттирилади, фойда солиғи мақсадларида эса чегирилмайдиган харажат ҳисобланади.

Суғурта шартномаси муддатидан олдин бекор қилинганда суғурта мукофоти ва агентлик комиссияси бўйича даромад ҳамда харажатларга тузатиш шартнома бекор қилинган солиқ даврида киритилади.

Ушбу вазиятда фойда солиғи бўйича солиқ оқибатлари корхона турли даромадларининг жами даромаддаги улушига боғлиқ.

Қарз берувчи томонидан тўланган бонус суммаси харажат сифатида тан олиниши масаласи унинг иқтисодий асосланганлигига боғлиқ.

Экспорт нархининг таннархдан ва ички бозор баҳосидан паст бўлиши уни бозор баҳосидан паст нархда сотилган деб ҳисоблаш учун асос бўлмайди.

Муддати ўтган кредит суммалари бўйича ҳисобланган 15%нинг 10%ли қисми фойда солиғи бўйича солиқ базасини аниқлашда чегирилади, 5%ли ортиқча қисми эса чегирилмайдиган харажат сифатида эътироф этилади.