Ташкилотнинг харажатлар сметасига ходимлар фаолиятини индивидуал баҳолаш асосида хизмат вазифаларини виждонан ва ташаббускорлик билан бажарганлиги ҳамда ишдаги юксак ютуқлари учун уларни йилда икки ойлик меҳнатга ҳақ тўлаш фонди миқдорида мукофотлаш учун маблағ назарда тутилган бўлса, ушбу мукофот пулларини ҳисоблашда интизомий жазо амал қилиб турган ходимларга мукофот пули ҳисобланадими? Ўзбекистон Республикаси Меҳнат кодексининг 180-моддаси (Меҳнат учун рағбатлантириш) 3-хатбошида “Иш ҳақи, мукофотлар, қўшимча тўловлар, устамалар ва меҳнат ҳақи тизимида назарда тутилган бошқа тўловлар рағбатлантириш турларига кирмайди” деб белгилаб қуйилган. Шунингдек, 4-хатбошида “Интизомий жазо амал қилиб турган муддат мобайнида (183-модда) ходимга нисбатан рағбатлантириш чоралари қўлланилмайди” деб белгилаб қуйилган.