Корхонамизга ишга кириш учун номзод танланди. Кадрлар бўлими томонидан ишга кираётган шахсдан Меҳнат кодексининг 80-моддасида кўрсатилган ҳужжатлар талаб қилинганда, у меҳнат дафтарчасини йўқотиб қўйганлигини, олдин учта хусусий корхонада ишлаганлигини, бугунги кунда ушбу корхоналар тугатилганлигини маълум қилди. "Меҳнат дафтарчаларини юритиш тартиби тўғрисида"ги Йўриқноманинг IV-бўлим, 4.1-бандида меҳнат дафтарчаси йўқотиб қўйилган тақдирда, шунингдек фойдаланиш учун яроқсиз бўлиб қолган ҳолларда меҳнат дафтарчасининг дубликати ходимнинг охирги иш жойидан берилиши, 4.2-бандида меҳнат дафтарчасини йўқотган шахс бу тўғрида зудлик билан охирги иш жойига ёзма хабар бериши, хабарномадан сўнг 15 кундан кечиктирмасдан иш берувчи ходимга биринчи бетини юқори кисмининг ўнг томонига "Дубликат" деб ёзилган холда янги меҳнат дафтарчасини бериши кўрсатилган.