Ногирон ходим иш ҳақидан ушланадиган даромад солиғи бўйича имтиёзни қўллаш

Арифханова Хабиба Шухратовна

Должность: Финансист

Специализация: бухгалтерия и налогообложение, оценка имущества

I ва II гуруҳ ногиронлари солиқ солишдан қисман, даромад олинган ҳар бир ой учун энг кам иш ҳақининг (ЭКИҲ) тўрт баравари миқдоридаги даромадлар бўйича, озод қилинади (СКнинг 180-моддаси 2-қисми 5-банди). ЭКИҲнинг каррали миқдорларида назарда тутилган имтиёзларни ҳисоблаб чиқариш учун ЭКИҲнинг жорий йил 1 январидаги ҳолатидаги миқдори олинади (СКнинг 186-моддаси).

Ҳисоблаш тартиби:

Ходимга январда 1 млн.сўм, февраль ва март ойдалида 650 минг сўмдан иш ҳақи ҳисобланган.

Уч ой учун жами даромад 2 300 000 сўм (1 млн.+650минг+650минг).

ЭКИҲ миқдори жорий йил боши ҳолатига 202 730 сўмни ташкил этган. Демак, уч ой учун ЭКИҲ миқдори 608 190 сўмга тенг (202 730 х 3).

Март ойида ЭКИҲнинг 4-баравари 2 432 760 сўм (608 190 х 4).

Мазкур ҳолатда ногирон ходимнинг жами даромади ЭКИҲнинг 4-баравар миқдоридан кам (2 300 000 < 2 432 760). Демак, ушбу даврда солиқ солинадиган даромад мавжуд эмас. Солиқ солинадиган даромад йўқлиги сабабли ШЖБПҲга бадал ҳам бўлмайди.

Батафсил маълумот олиш учун Солиқ ва божхона хабарлари газетасини кўриб чиқишингиз мумкин. Унда ҳар хил ҳолатларда ЖШДС ҳисоблаш методикаси кўрсатилади. Маслан, сентябрь ойи учун ЖШДС ҳисоблаш методикасини қуйидаги ўтиш орқали кўринг:

СБХ газетасининг 24.09.2019 й. 39-сони

Газета НТВ № 38 от 17.09.2019 г.