Харид қилинган ўғитлар бўйича ҚҚСни ҳисобга олиш шартлари

Корхона умумбелгиланган солиқ тўловчиси бўлиб, фермер хўжаликлари билан пахтачилик кластери ташкил қилган. Импорт қилинган ўғитларни фермер хўжаликларига ўтказади. ВМнинг 2018 йил 25 январдаги 53-сонли «Пахта-тўқимачилик ишлаб чиқаришини ташкил этишнинг замонавий шаклларини жорий этиш чора-тадбирлари тўғрисида»ги қарорига асосан пахта-тўқимачилик ишлаб чиқаришини ташкил этадиган пахта-тўқимачилик ишлаб чиқариши ташкилотчилари ва фермер хўжаликлари оладиган ҳамда улар томонидан бериладиган, ўзлари ишлаб чиқарадиган маҳсулотларни сотиш бўйича оборотлар билан боғлиқ бўлмаган пул маблағлари ва мулк, шунингдек, соф даромад тақсимоти солиқ солинадиган объектлар ҳисобланмайди (қўшилган қиймат солиғидан ташқари). Ҳамда пахта-тўқимачилик ишлаб чиқариш ташкилотчиларига 2018 йил 1 октябрдан кейин фермер хўжаликларига берилган мол-мулкни товарлар (ишлар, хизматлар) бўйича қўшилган қиймат солиғи билан ўтказишни амалга ошириш ҳуқуқи берилсин деб кўрсатилган.