Ўзбекистонда маиший техникани таъмирлаш бўйича хизматлар экспортига 15% ставкада ҚҚС солинади

Ташкилот умумбелгиланган солиқлар тўловчиси бўлиб ҳисобланади. Ташкилот 2020 йилда чет эллик ишлаб чиқарувчи билан Ўзбекистон аҳолиси томонидан фирма дўконларидан харид қилинган маиший техника товарларига сервис хизмати кўрсатиш бўйича экспорт битимини тузди. Бизнинг сервис марказимиз кафолат талони бўйича ва кафолатга эга бўлмаган аҳолига хизмат кўрсатади. Эҳтиёт қисмларни чет эллик ҳамкордан сотиб оламиз. Кафолат талони бўйича таъмирлаш ва эҳтиёт қисмларни алмаштириш учун ҳақ тўлаш чет эллик фирма-норезидент буюртмачи томонидан хорижий валютада амалга оширилади.