Муддатли депозит шартномаси бўйича фоиз кўринишидаги даромадларга ҚҚС солинадими?

Фаолият тури – улгуржи ва чакана савдо. Корхона банк билан тузган муддатли депозит (овернайт) шартномасига мувофиқ фоиз кўринишидаги қўшимча даромадга эга. Шартнома мазмуни шундан иборатки, кечки пайт пул маблағлари корхона ҳисобрақамидан банк обороти учун ҳисобдан чиқарилиб, кейинги кун эрталаб мазкур маблағлар орқага қайтарилиб берилади. Компания мазкур даромадни молиявий фаолият натижаси сифатида таснифлади. СКга киритилган ўзгартиришлар сабабли 2020 йилдан бошлаб мазкур даромадга ҚҚС солиш тўғрисида қарор қабул қилинди. Бунда СКнинг 239-моддаси 2-қисмидаги ҳолатларни инобатга олган эдик. Фуқаролик кодексига мувофиқ муддатли депозит шартномаси қарз шартномасидан бироз фарқ қиладиган таснифга эга. Ушбу шартномани кредит шартномасига ҳам олиб бориш мумкин эмас. Шу сабабли, СКнинг 244-моддасига мувофиқ компания фоизли даромадни солиқ солинишидан озод деб ҳам ҳисобламади. Рўйхатдан ўтказилган жойдаги ДСИ ҳанузгача мазкур ҳолат бўйича аниқ бир жавобни бера олмаяпти?