Топширилган ҳисоботлар нотўғри бўлгани учун ҳисоботларни апрель ойида қайта топширдик ва январь ойи учун 10 млн., февраль ойи учун 7 млн., март ойи учун 23 млн. қарздорлик юзага келди. Март ойи натижасига кўра биз ҚҚС бўйича солиқдан 6 млн. авансга эга бўлдик, лекин ДСИ 17 млн.ни ҳисоб рақамимиздан ечиб олди ва ҳозирда ҚҚС бўйича солиқдан 23 млн. авансга эга бўлиб турибмиз. ДСИ ходимлари авансимизни кейинги ойда ҚҚС бўйича қарздорлик келиб чиқиши эҳтимоли учун қайтариб бермаслигини ва ҳар бир ой учун алоҳида тўловни амалга ошириш лозимлигни айтишяпти. ДСИ ечиб олган маблағ таъминотчиларга тўлашимиз учун лозим эди ва тўловни амалга ошира олмаганимиз учун таъминотчилар товар беришни хохламаяпти. Айни вақтда товар бўлмаганлиги учун савдомиз тўхтаб қолди. Яъни ДСИнинг ушбу ҳаракати билан фаолиятимиз тўхтаб қолди, биз бу ойги даромаддан, ДСИ эса солиқдан қуруқ қолди.