Товар-моддий захираларни олишга ишончномаларни расмийлаштириш, бериш тартиби

Саволнинг ID си: 19221
Товар сотиб олишда хусусий корхонамиз директори номига ҳар доим шартнома суммасига тенг, шартнома муддати билан бир хил муддатга ишончнома ёзиб берамиз. Бундай қилишимизга сабаб - ҳар сафар товар олиб келинганда ёки пул кўчирилганда алоҳида-алоҳида ишончнома ёзиб ўтирмаслик. Яъни бир ишончнома билан товарларни олаверамиз, чунки бизда хусусий корхона, директор ҳам, таъсисчи ҳам бир одам (яъни унинг ишдан бўшаб кетиш эҳтимоли йўқ). Ҳозирда кўпчилик таъминотчиларимиз ҳар бир тўлов учун алоҳида ишончнома беришимизни талаб қилишмоқда.
Бизнинг вазиятда ҳар сафар товар олинганда алоҳида ишончнома беришимиз шартми? Хусусий корхонанинг директори номига муддати шартнома муддатига тенг ишончнома бериш ноқонунийми?
Экспертларнинг жавоблари:
07.02.2021

Нурмухамедов Нурали Халикович

Должность: Юрисконсульт

Специализация: Хозяйственное, трудовое, гражданское, корпоративное право

АВда 2020 йил 30 июнда 3259-сон билан рўйхатга олинган 4-сонли Бухгалтерия ҳисобининг миллий стандартининг (БҲМС) 100-бандига кўра, ишончнома товар-моддий захираларнинг дастлабки (биринчи) берилишида етказиб берувчида қолдирилади. Товар-моддий захираларни қисмларга бўлиб беришда ҳар бир берилган қисмга юкхат (қабул қилиш-топшириш далолатномаси ёки бошқа тегишли ҳужжат) тузилади, унда ўша ишончнома рақами ва санаси кўрсатилади. Ушбу ишончнома товарларнинг охирги партияси берилгандан кейин ўша партияга расмийлаштирилган юкхат билан бирга бухгалтерияга топширилади. Яъни, кўриниб турганидек, бир шартномада кўрсатилган барча товарлар бўлиб-бўлиб берилганда ҳам сотувчига фақат битта ишончнома берилади.

Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган қоидаларга амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.

Экспертларнинг тушунтиришлари уларнинг шахсий фикрини акс эттиради ва Сиз уларга таяниб мустақил қарор қабул қилишингиз мумкин.

Сайт «NORMA» МЧЖ томонидан ишлаб чиқилган.

Контентни яратишда "Солиқ ва божхона хабарлари" , "Норма маслаҳатчи" газеталари, "Амалий бухгалтерия" ЭМТ ва "Амалий солиқ солиш" ЭМТ материалларидан фойдаланилди.

Сайт материалларини ресурс маъмурияти розилигисиз кўчириб олиш тақиқланади.

© «NORMA» МЧЖ, 2019-2024 й. Барча ҳуқуқлар ҳимояланган.

 
Бизнинг Facebook
даги саҳифамиз
Яндекс.Метрика
Бориш харитаси Бориш харитаси

Манзил: Ўзбекистон, 100105,
Тошкент ш., Миробод тум., Толлимаржон кўч., 1/1.

E-mail: admin@buxgalter.uz

Call-марказ телефони: +998 78 150-11-72