Паррандачилик фаолиятида ер солиғи

Корхонамизнинг асосий фаолияти паррандачилик (товуқ тухуми ва гўшти етиштириш) йўналиши бўлиб ҳисобланади. ОКЭД коди - 01470. 2015-2021 йиллар давомида туман ҳокимининг қарорлари билан озуқа базаси яратиш мақсадида хўжалигимизга жами 172 га экин ер, ишлаб чиқариш фаолияти учун 5,4 га ер ажратилган. 5,4 га ер майдони ичида қишлоқ хўжалик маҳсулотлари, тухум етиштириш учун товуқхона ва тухум омборлари, омухта ем ишлаб чиқариш цехи ва озуқа омборлари мавжуд. Уларнинг майдони 4806 квадрат метр. Биз 2016-2021 йиллар учун ягона ер солиғи тўловчиси сифатида фақат ягона ер солиғи ҳисоботини топшириб келдик. Бу солиқ ҳисоботларида 58-код деб юритилади. Ишлаб чиқаришга ажратилган 5,4 га ер учун (солиқ ҳисоботида 53-код деб юритилади) солиқ ҳисоботини топширмас эдик. Яқинда солиқ бошқармаси хабарнома юбориб корхонамизга ишлаб чиқаришга ажратилган 5.4 га ер учун 2021 йилда ер солиғи ҳисоботини топширишимиз кераклигини билдирди. 2021 йил учун Қишлоқ хўжалигига мўлжалланган ер солиғи ҳисоботини 58-код билан топширганмиз.