Ўсимлик ёғини сотиш бўйича айланмага солиқ имтиёзи берилганида ҚҚСни ҳисобга олиш усулини ўзгартириш мумкинлиги

Корхона товарларни улгуржи сотиш билан шуғулланади. 2021 йил 1 майдан кунгабоқар ёғини сотиш айланмаси ҚҚСдан озод қилинган. ҚҚС ҳисоб-китоби 2021 йил 1 майгача мутаносиб усулда топшириб келинган. 1 майдан бошлаб эса имтиёз қўлланилиб, ҚҚСни ҳисобга олишнинг алоҳида-алоҳида усули танланиб, ҚҚС ҳисоб-китоби топширилиб келинмоқда. Ҳозирда солиқ органи камерал текширув ўтказиб, ҚҚС ҳисоб-китобини мутаносиб усулда топширишни талаб қилишмоқда. Солиқ кодеси 77-моддаси охирги бандида "Солиқ тўғрисидаги қонун ҳужжатларига ёхуд солиқ солиш шартларига ўзгартириш киритилганда ва фақат ушбу ўзгартиришлар тааллуқли бўлган қисмида солиқ тўловчининг ҳисоб сиёсатида ўзгартиришлар қилишга йўл қўйилади", дейилган.