Бюджет субсидиялари солиққа тортилмайди

ҚҚС тўловчиси бўлган корхона қишлоқ хўжалиги маҳсулотларини, яъни товуқ тухуми ва гўштини етиштириш билан шуғулланади. 14.06.2021 йилдаги ПҚ-5146-сон қарорга асосан етиштирилган ва сотилган ҳар бир дона тухум учун 50 сўм ва товуқ гўштининг ҳар 1 кг учун 1000 сўмдан субсидия ажратилиши белгиланган. Шу қарорга асосан ҳисоб рақамимизга 2021 йилнинг 1 июнидан 31 октябрига қадар сотилган маҳсулотлар учун жами 514 млн.сўмлик субсидия келиб тушди. Шунингдек, 2021 йилда ҳисоб рақамимизга ВМининг 23.02.2021 йилдаги №95-сон қарори асосида томчилатиб суғориш харажатларининг бир қисмини қоплаш мақсадида бюджетдан 180 млн.сўм пул маблағлари ажратилиб тўлаб берилди. Даромадимизнинг 100% ини етиштириб сотилаётган товуқ тухуми ва гўштидан тушган маблағлар ташкил қилади, шунинг учун фойда солиғининг 0% ставкаси қўлланилади.