Ёш оилалар учун ипотека кредити бўйича ЖШДСдан имтиёз

Тошхужаева Азизахон Акбархужа кизи

Должность: Эксперт "Нормы", налоговый консультант, бухгалтер

Специализация: налогообложение, бухгалтерский учет

Жисмоний шахсларнинг олинган ипотека кредитларини ва улар бўйича ҳисобланган фоизларни солиқ даври давомида жами 15 млн.сўмгача бўлган миқдорда қоплашга йўналтирилган солиқ солиниши лозим бўлган иш ҳақи ва бошқа даромадлари, башарти якка тартибдаги уй-жойнинг ёки кўп қаватли уйдаги хонадоннинг қиймати 300 млн.сўмдан ошмаса ҳамда у дастлабки бадалнинг ва (ёки) ипотека кредити бўйича фоизларнинг бир қисмини қоплаш учун бюджетдан ажратилган субсидияларни ҳисобга олган ҳолда олинган бўлса, ЖШДСга тортилмайди. Мазкур имтиёз қарз олувчига ва бирга қарз олувчиларга, имтиёз олиш ҳуқуқига эга бўлган барча солиқ тўловчиларга берилган, солиқ солиниши лозим бўлган даромадларни камайтириш суммаси солиқ даври давомида жами 15 млн.сўмдан ошмаган тақдирда, татбиқ этилади. Бунда ёш оила бўлган эр-хотиннинг олган ипотека кредитларини ҳамда улар бўйича ҳисобланган фоизларни тўлашга йўналтирилган иш ҳақига ва бошқа даромадларига нисбатан солиқ имтиёзи эр-хотин ёки улардан бири белгиланган ёшга тўлгунига қадар, ушбу имтиёздаги квартираларнинг қиймати ва бюджетдан ажратилган субсидиялар бўйича белгиланган шартлар инобатга олинмаган ҳолда қўлланилади (СК 378-м. 16-б.).

Демак, ипотека кредитини ёш оила бўлган эр-хотин олган бўлса, у ҳолда ушбу имтиёзни қўллаш учун квартиранинг қиймати ва бюджетдан ажратилган субсидиялар бўйича шартлар бажарилиши талаб этилмайди. Саволингизда айтилган ёш оила бўлмиш эр-хотин ипотека кредити ва у бўйича ҳисобланган фоизларни қоплашга йўналтирилган даромадларига нисбатан имтиёз қўлланилади. Лекин календарь йили давомида 15 млн.сўмгача бўлган суммага нисбатангина қўлланилади, бу меъёр ёш оилалар учун берилган имтиёзда сақланиб қолган.