Корхона ходимларига қишлоқ хўжалик маҳсулотларини сотиб олиш учун берилган моддий ёрдам суммаларининг ЖШДС ва ижтимоий солиқ бўйича солиқ оқибатлари
Тошхужаева Азизахон Акбархужа кизи
Должность: Эксперт "Нормы", налоговый консультант, бухгалтер
Специализация: налогообложение, бухгалтерский учет
Қуйидаги моддий ёрдам суммаларига ЖШДС солинмайди (СК 378-м. 1-б.):
- вафот этган ходимнинг оила аъзоларига ёки оила аъзоси вафот этганлиги муносабати билан ходимга бериладиган моддий ёрдам суммалари - меҳнатга ҳақ тўлашнинг энг кам миқдорининг 4,22 бараваригача миқдорда;
- СКнинг 377-моддаси 10-бандида кўрсатилган бошқа ҳолларда, - солиқ даври учун меҳнатга ҳақ тўлашнинг энг кам миқдорининг 4,22 бараваригача миқдорда.
Ушбу бошқа ҳолларда тўланадиган моддий ёрдам турларига ходимларга қишлоқ хўжалик маҳсулотларини сотиб олиш учун берилган моддий ёрдам ҳам киради (СК 377-м. 10-б.). Бошқа ҳолларда бериладиган жами моддий ёрдам суммаларининг бир йил давомида МҲЭКМнинг 4,22гача бўлган қисми ЖШДСга тортилмайди. Ундан ортиқ миқдорда моддий ёрдам берилса, ЖШДС ва ФЖБПТга мажбурий ажратмаларга тортилади (СК 387-м. 1-қ. 4-б., 02.12.2004 йилдаги №702-II сон «Фуқароларнинг жамғариб бориладиган пенсия таъминоти тўғрисида»ги Қонуни 10-м.).
Ижтимоий солиқ бўйича солиқ солиш объекти - иш берувчининг ходимлар меҳнатига ҳақ тўлашга доир харажатларидир (СК 403-м. 1-қ. 404-м. 1-қ.). Қишлоқ хўжалик маҳсулотларини сотиб олиш учун берилган моддий ёрдам суммалари меҳнатга ҳақ тўлаш кўринишидаги даромад эмас, бу жисмоний шахсларнинг бошқа даромади. Шу сабабли ижтимоий солиқ бўйича солиқ оқибатлари йўқ.
Мавзуга доим материаллар:
https://buhgalter.uz/question/19569
https://buhgalter.uz/question/19947 .
Жавоблар улар эълон қилинган санада долзарб ҳисобланади.