Енгил автомобилни сотиб олишда тўланган ҚҚСни ҳисобга олиш

Тошхужаева Азизахон Акбархужа кизи

Должность: Эксперт "Нормы", налоговый консультант, бухгалтер

Специализация: налогообложение, бухгалтерский учет

СК 267-моддаси 2-қисми 1-бандида бундай дейилган:

«Солиқ тўловчи товарларни (хизматларни) сотиб олиш чоғида тўлаган солиқ суммалари қуйидаги товарларни (хизматларни) сотиб олиш ёки олиб кириш чоғида ҳам, агар бу товарларни (хизматларни) сотиб олиш амалга оширилаётган фаолият турига боғлиқ бўлмаса, ҳисобга олинмайди:

1) енгил автомобилларни, мотоциклларни, вертолётларни, моторли қайиқларни, самолётларни, шунингдек моторли воситаларнинг бошқа турларини ва улар учун ёқилғини;»

Корхонангиз лойиҳа-смета ишлари билан шуғулланар экан. Айнан «амалга оширилаётган фаолият тури» деган иборага қарайдиган бўлсак, корхона автомобилдан фақат шу фаолиятни амалга оширишда фойдалансагина, у бўйича тўланган ҚҚСни ҳисобга олишга ҳақли ва аксинча, корхона маъмурияти автомобилдан хизмат мақсадларида фойдаланса ҳам уни харид қилиш чоғида тўланган ҚҚСни ҳисобга ололмайди, деган хулоса келиб чиқади.

Шу билан бирга, ДСҚнинг 2020 йил 4 августдаги 17/2-23761-сон хати мавжуд. Унга асосан, агар енгил автомобиллардан корхона раҳбари, ишчилари ёки учинчи шахслар шахсий мақсадларда фойдаланса, сотиб олиш чоғида тўланган ҚҚС суммаси ҳисобга олинмайди. Сотиб олинган енгил автомобиллардан тадбиркорлик мақсадларида фойдаланилса, солиқ суммасини ҳисобга олиш мумкин. Бунда енгил автомобиллардан фойдаланишнинг айнан амалга оширилаётган фаолият турига боғлиқлиги тегишли ҳужжатлар билан тасдиқланиши лозим.