Корхонамизга товар етказиб берган корхонадан 2019 йил 31 январь ҳолатига 124 000 000 сўмлик кредитор қарздорлик вужудга келган. 2019 йилнинг 31 январидан 2022 йил 19 февралигача кредитор қарздорликни тўлаш бўйича товар етказиб берган корхонадан бирорта мурожаат қилинмаган. Лекин 2022 йил 19 февралда Оҳангарон иқтисодий суди томонидан ушбу қарздорликни тўлаш бўйича талабнома келди. Қарздорлик муддатидан 3 йилдан кўпроқ вақт ўтган. Фуқаролик кодексига кўра умумий даъво муддати - 3 йил. Биз даъво муддати ўтган ва суднинг талабномасини ижро этиш юридик кучини йўқотган, деб ҳисоблаймиз.