Қурилиш ишларини бажаришда ЭҲФ ҳар ой тақдим этилиши ва ҚҚС ҳар ой ҳисоблаб борилиши

Саволнинг ID си: 21543

Давлат бюджетидан молиялаштириладиган йилдан йилга ўтувчи лойиҳалар асосида ажратиладиган лимитлар доирасида қурилиш ишларини амалга ошириш учун буюртмачи ташкилот билан шартнома тузилади ҳамда ҳисобот йилида ажратилган маблағ (лимит) доирасида ишларни бажариб топшириш муддатлари шартноманинг иловаларига асосан белгилаб берилади. Бажарилган иш ҳажмлари бўйича (ажратилган маблағ) доирасида ҳар ойда Ф-3 маълумотномаси расмийлаштирилади. Буюртмачи томонидан тасдиқланган Ф-3 маълумотномаларга асосан, ЭҲФ расмийлаштириб борилади. Қурилиш ишларида ишлар амалда ҳисобот ойида қисман (50-70%) бажарилган бўлсада, ШҚН нормаларига асосан технологик жараён тўлиқ якунланмаганлиги сабабли бажарилган ишлар далолатномаси буюртмачи ташкилот томонидан қисман қабул қилинмайди ҳамда ҳисобварақ-фактура расмийлаштирилмайди, яъни бажарилган ишлар бўйича далолатномалар технологик жараён тўлиқ якунланган ойда расмийлаштирилади ва ЭҲФ тақдим этилади.

Корхона томонидан бажарилган қурилиш ишлари ҳажмини буюртмачи томонидан қабул қилиб олинган ҳисобот ойида ҚҚС базасига қўшиш тўғрими?

Экспертларнинг жавоблари:

31.03.2022 йил санасидаги жавоб

31.03.2022

Тошхужаева Азизахон Акбархужа кизи

Должность: Эксперт "Нормы", налоговый консультант, бухгалтер

Специализация: налогообложение, бухгалтерский учет

Объектлар қурилишида, шу жумладан объектларни фойдаланиш учун тайёр ҳолда қуришда, шунингдек узоқ (бир солиқ ҳисоботи давридан ортиқ) технологик даврийликдаги узоқ муддатли шартномалар бўйича, агар тузилган узоқ муддатли шартномалар шартларида хизматларни ҳар ойда топшириш назарда тутилмаган бўлса, ҳар бир календарь ойнинг охирги куни айланма амалга оширилган сана деб ҳисобланади (СК 242-моддаси 7-қисми).

Шу сабабдан технологик жараён тўлиқ якунланган ёки якунланмаганлигидан катъий назар, бажарувчи амалга оширилган қурилиш ишлари бўйича ҳар ойнинг охирги санаси билан буюртмачига ЭҲФ тақдим этиб бориши керак. ЭҲФда кўрсатилган ишлар ҳажми ҚҚС солиш базаси, ажратиб кўрсатилган ҚҚС суммаси шу ой учун товарларни (хизматларни) реализация қилишдан ҳисобланган ҚҚС ҳисобланади.

Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган қоидаларга амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.

Ўртоқлашиш: