2022 йилда мол-мулк солиғи базасини ҳисоблашдаги ўзгаришлар

Тошхужаева Азизахон Акбархужа кизи

Должность: Эксперт "Нормы", налоговый консультант, бухгалтер

Специализация: налогообложение, бухгалтерский учет

Кўчмас мулкка бўлган ҳуқуқларни давлат рўйхатидан ўтказувчи органларда рўйхатдан ўтказилиши лозим бўлган бинолар ва иншоотлар бўйича мол-мулк солиғи базаси ушбу объектларнинг ўртача йиллик қолдиқ қийматидир. Солиқни ҳисоблаб чиқариш мақсадида ушбу объектларга нисбатан солиқ базаси қуйидаги миқдорларда 1 кв. метр учун мутлақ миқдорда белгиланган энг кам қийматдан паст бўлиши мумкин эмас:

• Тошкент шаҳрида - икки миллион беш юз минг сўм;
• Нукус шаҳрида ва вилоят марказларида - бир миллион беш юз минг сўм;
• бошқа шаҳарларда ва қишлоқ жойларда - бир миллион сўм.

Қорақалпоғистон Республикаси Жўқорғи Кенгеси ва халқ депутатлари вилоятлар Кенгашлари ушбу бандда белгиланган энг кам қийматга туманларнинг иқтисодий ривожланишига қараб 0,5 гача бўлган камайтирувчи коэффициент киритиши мумкин (СК 412-м. 1-қ. 1-б.). Яъни СК 412-моддасида кўрсатилган солиқ базасининг 1 кв. метр учун мутлақ миқдорда белгиланган энг кам қиймати солиқ солиш мақсадларида белгиланган. Корхона бухгалтерия ҳисобида ўз кўчмас мулкини бу миқдордан келиб чиқиб қайта баҳоламайди.

Мол-мулк солиғи суммаси 2022 йилдан киритилган нормаларга мувофиқ ҳисобланади ва қуйидагича бухгалтерия ўтказмаси берилади:

Дт 9430 «Бошқа операцион харажатлар»

Кт 6410 «Бюджетга тўловлар бўйича қарз (турлари бўйича)».