Устав фонди оширилиши вақтида рўйхатдан ўтказилмаганлиги даромадни (тушумни) яшириш деб эътироф этилмаслиги

Оилавий корхона савдо фаолияти билан шуғулланади. Корхона фаолиятини ривожлантириш учун айланма маблағларга эхтиёж борлиги сабабли устав капиталини оширишга қарор қилиб, 14.02.2022 йилда банкдаги ҳисоб рақамга 300 000 000 (уч юз миллион) сўм миқдорида пул киритдик. Бироқ устав капиталидаги ўзгаришлар давлат Реестрида рўйхатдан ўтказилмади. Ушбу ҳолат бўйича солиқ инспекцияси устав капиталидаги ўзгариш вақтида рўйхатдан ўтказилмаганлигини сабаб қилиб, 300 000 000 (уч юз миллион) сўм маблағни тушумни яшириш деб эътироф этяпти ҳамда айланмадан олинадиган солиқ ҳисоб-китобига тузатиш киритишни талаб қилмоқда. Бундан ташқари 20% миқдорида жарима чиқиши бўйича огоҳлантирмоқда.