Корхонамиз 2019 йилдаги техник шарт бўйича тайёрланган лойиҳа бўйича 2020 йилда газ тармоғига уланган эди. 2021 йилда газ ҳисоблагич Принц G-25 га янги замон талабига мос келадиган онлайн хисобот юборувчи адаптер модем ўрнатдик. Шу йилнинг август ойида корхонамизга "Ҳудудгазтаъминот" АЖнинг вилоят бошқармасидан огоҳлантириш хати келди. Унда Вазирлар Маҳкамасининг 2022 йил 5-августдаги 430-сон қарори бўйича Принц G-25 русумли 6010868 завод рақамли газ ҳисоблагич ускунасини Қарор талабларига мос келувчи газ ҳисоблагич ускунасига алмаштириш чорасини кўриш айтилган. Газ ҳисоблагич 2021 йилда текширилиб, аъло даражада эканлиги ҳақида сертификат берилган эди.