Хизматларни экспорт қилишда ҚҚС

Саволнинг ID си: 23596

Корхона – фойда солиғи ва ҚҚС тўловчиси, Ўзбекистон Республикаси резиденти. У қозоғистонлик корхона билан юк вагонларининг ғилдирак жуфтликларини таъмирлаб бериш учун экспорт контрактини тузди. Хизмат Ўзбекистон ҳудудида бажарилади. Шартнома суммаси 200 минг АҚШ долларига тенг.

Мазкур экспорт контракти бўйича кўрсатилган хизмат ҚҚСга тортиладими? Агар тортилса, қандай ставкада?

Экспертларнинг жавоблари:

27.12.2022 йил санасидаги жавоб

27.12.2022

Саидова Дилором Бахтияровна

Должность: Эксперт "Нормы", налоговый консультант

Рус тилида ўқиш

Реализация қилиш жойи Ўзбекистон Республикаси ҳудудида бўлган хизматлар ҚҚС солиш объекти ҳисобланади (СК 238-м. 1-қ. 1-б.).

Хизматлар Ўзбекистон Республикаси ҳудудида жойлашган кўчар мулк билан боғлиқ бўлганида, хизматларни реализация қилиш жойи Ўзбекистон Республикаси ҳудуди деб эътироф этилади. Бундай ишлар, хизматлар ўрнатиш, созлаш, йиғиш, қайта ишлаш, қайта ишлаш, таъмирлаш ва техник хизмат кўрсатишни ўз ичига олади (СК 241-м. 3-қ 2-б.)

Ўзбекистон Республикаси ҳудудида жойлашган мол-мулкни таъмирлаш бўйича хизматларга 15 % ставка бўйича ҚҚС солинади (СК 258-м.).

Батафсил қуйидаги маслаҳат билан танишинг: Хизматлар экспортига солиқ солиш

Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган қоидаларга амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.

Ўртоқлашиш: