Ходим томонидан сотиб олинган ёқилғи бўйича ҚҚС ҳисобга олинмаслиги

Тошхужаева Азизахон Акбархужа кизи

Должность: Эксперт "Нормы", налоговый консультант, бухгалтер

Специализация: налогообложение, бухгалтерский учет

Рус тилида ўқиш

Ўзбекистон Республикаси ҳудудидаги хизмат сафарлари тўғрисида ВМнинг 2022 йил 2 августдаги қарори билан тасдиқланган Низом мавжуд. Ушбу Низом қоидалари бюджет ташкилотлари, давлат мақсадли жамғармалари, бюджет тизими бюджетларидан маблағ ажратиладиган белгиланган тартибда ташкил этилган бошқа жамғармалар, устав фондида (устав капиталида) давлат улуши 50 фоиз ва ундан ортиқ бўлган юридик шахслардан ташқари бошқа барча ташкилотлар ва тадбиркорлик субъектларига нисбатан тавсиявий хусусиятга эга (Низом 1-б.). Унда хизмат сафари давомида корхона автомашинасига қуйилган ёқилғи суммаси қопланиши кўзда тутилмаган.

Агар корхонанинг локал ҳужжатларида белгиланган бўлса, хизмат сафари давомида ходимнинг ўз ҳисобидана корхона автомашинасига қуйилган ёқилғи суммаси қоплаб берилиши мумкин. Бунда ушбу харид суммаси ҚҚСни қўшган ҳолда қоплаб берилади.

Ушбу вазиятда ёқилғининг харидори корхона эмас, ходим. Ёқилғи жисмоний шахс томонидан харид қилиниб, АЁҚШ онлайн-НКМ чекини жисмоний шахсга берганлиги сабабли, корхона ундаги ҚҚС суммасини ҳисобга ололмайди.

Агар ёқилғи корхонанинг корпоратив пластик картасига сотиб олинса, онлайн-НКМ чекидаги ҚҚС суммасини ҳисобга олиш мумкин бўлар эди (СК 266-м. 1-қ.).

Ходимга ёқилғи пулини қоплаб беришда бунинг солиқ оқибатларини ҳам ёдда тутинг.