Даврий божхона ҚҚС тўловлари ҚҚС тўловчилари томонидан ҳисобга олиниши керак

Корхонамиз ижара шартномаси асосида Бельгиядан қурилиш кранларини ижарага олди. ИМ-42 “Вақтинчалик олиб кириш” режими расмийлаштирилди. Икки йил давомида даврий ҚҚС тўловлари ўтказилди.Божхона расмийлаштируви вақтида шартли равишда ҳисобланган барча ҚҚС тўлангандан сўнг,режим ИМ-40 га ўзгартирилди. ИМ-40 режимли БЮД нинг ўзи харидлар реестрида акс эттирилган,лекин ҚҚС миқдори кўрсатилмаган ва шунинг учун ҚҚС харидлар реестрида акс эттирилмаган.Шунга кўра,биз илгари тўланган ҚҚСни ҳисобга олиш ҳуқуқидан фойдалана олмадик. ДСҚ ва ДБҚга ёзма мурожаатимизга жавобан биз муайян вазиятда қандай ҳаракат қилишимиз ҳақида аниқ жавоб эмас, фақат умумий тавсиялар олдик.