Озод қилинган айланмалар мавжуд бўлганда кирувчи ҚҚС

ҚҚС тўловчи корхона сув таъминоти учун саноат насослари ишлаб чиқариш билан шуғулланади. Ишлаб чиқариш учун маҳаллий ва импорт эҳтиёт қисмлар, бутловчи буюмлар ва қимматбаҳо асбоб-ускуналардан фойдаланамиз. Тўғридан-тўғри шартномалар мавжуд, шунингдек тендерларда қатнашамиз. Давлат буюртмалари юзасидан тендер бўйича айрим шартномаларга мувофиқ товарни етказиб бериш Президент фармонлари ва қарорлари асосида ҚҚСсиз амалга оширилади. Яъни бизда ҚҚСдан озод қилинган айланма юзага келади. Тендерда бошқа маҳаллий ишлаб чиқарувчилар ва хорижий компаниялар қатнашади. Хорижий компаниялар чет элда товар ишлаб чиқарадилар ва ушбу товарни божхонадан ўтказишда Президент Қарори асосида ҚҚС тўламайдилар. Корхонамиз эса худди шундай товарни ишлаб чиқариш учун хом ашё ва материалларни ҚҚС билан харид қилади (ёки импорт қилади).