Қурилиш ҳажми уч йилдан сўнг тасдиқланганда

Бизнинг ташкилотимиз қурилиш ташкилотидир. 2019–2020 йилларда бинони реконструкция қилиш бўйича ишлар бажарилган. Буюртмачи иш ҳажмининг бир қисмини (88 фоизини) тасдиқлаган, биз улар юзасидан ҳисоботни тақдим этиб, солиқларни тўладик. Ишнинг қолган қисми, шунингдек тендер нархидан ортиқ бажарилган ишлар бўйича буюртмачи бажарилган ишлар ҳажмининг назорат ўлчовини ўтказиши ва текшириш натижаларига кўра ҳажмларни тасдиқлаши керак эди. Бироқ, молиялаштириш буюртмачининг юқори турувчи органига берилганлиги сабабли назорат ўлчови фақат 2023 йилда якунланди. Эслатиб ўтамиз, реконструкцияда фойдаланилган материаллар 2019–2020 йилларда 20 фоиз ва 15 фоиз ҚҚС билан сотиб олинган. Ушбу ҚҚС тегишли даврларда ҚҚСнинг ҳисоб-китобида ҳисобга қабул қилинган.