АВни реализация қилишнинг бухгалтерия ҳисоби ва фойда солиғи

Корхона асосий воситани ҚҚСни ҳисобга олган ҳолда 117 млн. сўмга реализация қилди. Қолдиқ қиймати – 56 млн. сўм, қайта баҳолаш қолдиғи – 5 млн. сўм. Солиқ солинадиган молиявий натижа қуйидаги формула бўйича аниқланади: Молиявий натижа = Тушум – ҚҚС – АВнинг қолдиқ қиймати + Қайта баҳолаш қолдиғи. Шундай қилиб, молиявий натижа 53,46 млн. сўмни (117 – 12,54 – 56 + 5) ташкил этади. Ҳосил бўлган фойдани Фойда солиғи ҳисоб-китоби 1-иловасининг 050-сатрига киритамиз. Реализация қилиш қиймати бозор қийматидан кам бўлганлиги боис, биз ҚҚСни қўшимча ҳисобладик ва тўладик, қўшимча ҳисобланган сумма – 75 млн. сўм. Қўшимча ҳисобланган ҚҚСни ҳисобга олган ҳолдаги молиявий натижа -21,54 млн. сўм (53,46 – 75) миқдоридаги зарарни ташкил этади.