Бензинни воситачи орқали сотишда акциз солиғи

Корхонамиз акциз солиғига тортилмайдиган нефть маҳсулотини давал шартномаси асосида бошқа корхонага қайта ишлаб бензин маҳсулотига айлантириб бериши учун топширади. Бензин акциз солиғига тортилади. Қайта ишловчи корхона бензин маҳсулотини ишлаб чиқаради, лекин маҳсулот сотиш мақсадида қайта ишловчи корхона омборида сақлаб турилади. Корхонамиз ва қайта ишловчи корхона ўртасида воситачилик шартномаси тузилган бўлиб, ушбу шартномага асосан қайта ишловчи корхона бензин маҳсулотини сотишда бизнинг номимиздан харидорга ЭҲФ ёзади. Бу сотилган бензин корхонамиз томонидан тақдим этиладиган ҚҚС ҳисоб-китобига 4-илова “Реализация қилинган товарлар (хизматлар) бўйича ҳисобварақ-фактуралар” номли 2-жадвалида автоматик равишда акс этади. Воситачи корхонада эса ушбу ЭҲФ ҳисоб-китобнинг 4-иловаси 3-жадвалида кўринади.