ЭИЗ Дирекциясига тўланган ижара ҳақини ер солиғига тенглаштирилиши

Жамиятга “Навоий” ЭИЗ ҳудудидан доимий фойдаланиш ҳуқуқи билан ҳоким қарори асосида 2014 йилда ер ажратилган эди. Прокурор томонидан протест келтирилганлиги сабабли, 2020 йилда ҳоким томонидан 2014 йилдаги қарорга ўзгартириш киритилган ва унга асосан “ер майдонига доимий фойдаланиш ҳуқуқи” – “ер майдани муайян муддатга ижарага” сўзига ўзгартирилган. Шунингдек ушбу ЭИЗга тегишли ер ЭИЗ Дирекциясига 02..12.2018 йилдаги 4058 -сонли ПФ 2- бандига асосан фойдаланиш ва бошқариш учун берилган. ЭИЗ Дирекцияси субъектларга ЭИЗ ҳудудидаги ер участкаларини ижарага беради. 21.12.2018 йилдаги 5600 – сонли ПФ 1 – бандига асосан ЭИЗ ҳудудидаги ер участкалари ЭИЗ дирекцияларига доимий фойдаланиш ҳуқуқи билан ажратилади ва уларнинг тасарруфида туради. Ҳар йилги ижара тўловлари махсус иқтисодий зоналар Дирекцияларига ўтказилади. Жамият ЭИЗ Дирекциясига у билан тузилган ижара шартномаси асосида ижара ҳақи тўлаб келмоқда.