Асосий воситаларни ва бошқа мол-мулкни сотишда фойда солиғи

Корхона нефть ва газ конларини бурғулаш билан шуғулланади. 2020 йилда олдинги йилларда фойдаланилган бурғулаш трубалари ва эски асосий воситаларни сотган. Сотишда шартнома тузилиб, бозор нархида сотилган, баҳолаш ҳужжатлари мавжуд. Асосий воситалар ва бошқа активларнинг сотилиши бухгалтерия ҳисобида 21-сон БҲМСга мувофиқ ўтказмалар билан расмийлаштирилиб, уларнинг чиқиб кетишидан кўрилган фойда (молиявий натижа) фойда солиғига тортилган. Солиқ аудитида бу товарларнинг улгуржи савдоси деб қаралиб, қўшимча солиқ ҳисобланяпти. СК 298-моддаси меъёрлари умуман ҳисобга олинмаяпти.