Ўз эхтиёжи учун импорт қилинган ёқилғи бўйича акциз солиғи ҳисоблаш
Саидова Дилором Бахтияровна
Должность: Эксперт "Нормы", налоговый консультант
Қуйидаги шахслар акциз солиғи тўловчиси ҳисобланади (СК 283-м. 1-қ. 3 ва 5-б.):
- Бензин, дизель ёқилғисини якуний истеъмолчиларга реализация қилишни, шу жумладан автомобилларга ёқилғи қуйиш шохобчалари орқали, шунингдек газни газ тўлдириш станциялари ва газ тўлдириш пунктлари орқали реализация қилишни амалга оширувчилар. Ушбу бўлимни қўллаш мақсадида якуний истеъмолчилар деганда ўз эҳтиёжлари учун бензин, дизель ёқилғиси ҳамда газ олувчи юридик ва жисмоний шахслар тушунилади;
- Ўзбекистон Республикасининг божхона ҳудуди орқали акциз тўланадиган товарларни олиб ўтувчилар. Божхона тўғрисидаги қонунчиликка мувофиқ мазкур шахслар солиқ тўловчилар деб эътироф этилади.
Олиб кирилган (импорт қилинган) акциз тўланадиган товарларни ўз эхтиёжлари учун ишлатилганда, солиқ тўловчилари бўлиб ушбу товарларни ўз эҳтиёжлари учун олиб киришни амалга оширган шахслар эътироф этилади (СК 289-3 м. 3-қ.).
Акциз солиғи солинадиган объектлар қуйидагилардан иборат (СК 284-м. 1-қ. 6 ва 7-б.):
- акциз тўланадиган товарларни Ўзбекистон Республикасининг божхона ҳудудига олиб кириш;
- бензинни, дизель ёқилғисини ва газни якуний истеъмолчиларга реализация қилиш ёки улардан ўз эҳтиёжлари учун фойдаланиш.
Сизнинг корхонангиз акциз солиғи тўловчиси бўлганлиги (СК 283-м. 1-қ. 5-б.) учун дизель ёқилғисидан ўз эҳтиёжлари учун фойдаланганида акциз солиғи бўйича солиқ солиш объекти (СК 283-м. 1-қ. 3-б., СК 284-м. 1-қ. 7-б.) юзага келади ва дизель ёқилғи импорт қилинган пайтида тўланган акциз солиғидан ташқари СК 289-3 модда 1-қисм 4-бандга асосан акциз солиғи ҳисобланади.
Жавоблар улар эълон қилинган санада долзарб ҳисобланади.