Фойда солиғининг пасайтирилган ставкасидан фойдаланиш

Саидова Дилором Бахтияровна

Должность: Эксперт "Нормы", налоговый консультант

Хўжалик юритувчи субъектларга солиқлар ва божхона имтиёзлари:

а) бўшаётган маблағларни мақсадли вазифаларни бажариш учун йўналтириш шарти билан;

б) бўшаётган маблағларни мақсадли ишлатиш назарда тутилмаган ҳолда (мақсадсиз) берилади (2005 йил 2-апрелда АВ томонидан 1463 – сон билан рўйхатга олинган Низом, 2-б., СК 75-м. 7-қ.). 

Имтиёзлардан мақсадли фойдаланиш имтиёз тақдим этиш тўғрисидаги хужжатда махсус кўрсатилади. Қолган бошқа ҳолларда имтиёз мақсадсиз ҳисобланади. 

11401_1 сонли “Солиқлар, божхона ва бюджетга мажбурий тўловлардан озод этиш натижасида бўшаган маблағлардан фойдаланиш тўғрисида ҲИСОБ-КИТОБ”да  мақсадли имтиёзлар натижасида озод этилган маблағларни қай мақсадга (ойлик тўлашга, асосий восита хариб қилишга, мол етказиб берувчи билан ҳисоб-китобга ва ҳ.к.) сарфлангани акс эттирилади. 

СКнинг 337-моддаси 1-қисм 11-бандига асосан 2022 йил 1 сентябрдан кейин жами даромади жорий солиқ даври мобайнида илк марта ўн миллиард сўмдан ошган солиқ тўловчилар жорий солиқ даври ва кейинги солиқ даври мобайнида, башарти пасайтирилган солиқ ставкаси қўлланиладиган солиқ даврларида жами даромади юз миллиард сўмдан ошмаса белгиланган солиқ ставкасини 50 фоизга пасайтиришга ҳақли. СКда ушбу имтиёз мақсадли деб кўрсатилмаган, шунинг учун мазкур имтиёздан фойдаланилганда 11401_1 сонли “Солиқлар, божхона ва бюджетга мажбурий тўловлардан озод этиш натижасида бўшаган маблағлардан фойдаланиш тўғрисида ҲИСОБ-КИТОБ” тақдим этиш талаб этилмайди.

Солиқ тўловчи имтиёздан фойдаланиш учун солиқ тўловчининг шахсий кабинети оркали орқали “Солиқ имтиёзларини қўллаш тўғрисида мурожаат” йўллаши лозим. Ушбу мурожаат маъқулланганидан кейин фойда солиғи ҳисоботида фойда солиғи пасайтирилган ставка қўлланилади.