Солиқ кечиктириб тўланганида пеня ҳисобланиши

Корхона 2022 йил августда ЖШДС ва ижтимоий солиқ ҳисоб-китобини 2021 йилнинг барча ойлари учун қайта топширган. Натижада тўланиши лозим бўлган солиқлар суммалари 2,4 млрд.сўмдан 3,9 млрд.сўмга оширилган. Тошкент шаҳар солиқ бошқармаси 2023 йилнинг ноябрь ойида ушбу қайта топширилган ҳисоб-китоблар бўйича пеня ҳисоблаб, уни солиқлар бўйича солиштириш далолатномаларида 2022 йилнинг августидан акс эттирган. Оқибатда бугунги кунда ЖШДС ва ижтимоий солиқ бўйича солиқ қарзи вужудга келган ва корхонанинг ҳисоб рақамидан ечиб олинган.