Енгил автомобилни сотиб олишда ҳисобга олинган ҚҚС

Корхона тиббий хизматлар (санатория) ва туризм хизматларини кўрсатиш билан шуғулланади. Корхона 2023 йилда 137 млн.сўмга (ҚҚС билан) 1 та енгил автомобиль солиб олинди. Ушбу авторанспорт воситасидан корхона йўлланмалари реализациясида, йўлланмаларни сотиш учун бориладиган хизмат сафарларида фойдаланилмоқда. 2023 йил солиқ хисоботларида ҳам ҚҚС қиймати билан бирга кўрсатилган, кирувчи ҚҚС суммалари ҳисобга олинган. 2024 йил 3 апрелда Вилоят солиқ бошқармаси томонидан корхона номига сотиб олинган енгил автомобилдан фойдаланиш амалга оширилаётган фаолият турига боғлиқ бўлмаса, Солик кодекси 267-моддасига мувофиқ уни сотиб олишда тўланган ҚҚС суммаларини ҳисобга олишга ҳақли эмаслиги тўғрисида хабарнома юборилган. Агар шундай бўлса, ҚҚС суммасини тиклаб, бюджетга тўлаб бериш талаб этилмоқда. Лекин бизнинг енгил автомобилимиздан корхонамиз амалга оширадиган фаолият тури учун фойдаланилади.