Имтиёз муддати тугади

Худойназаров Шухрат Хайруллаевич

Должность: Эксперт "Нормы"

Специализация: Налогообложение, бухгалтерский учет

2022 йил 1 сентябрдан кейин жами даромади жорий солиқ даври мобайнида илк марта ўн миллиард сўмдан ошган солиқ тўловчилар — жорий солиқ даври ва кейинги солиқ даври мобайнида, башарти пасайтирилган солиқ ставкаси қўлланиладиган солиқ даврларида жами даромади юз миллиард сўмдан ошмаса белгиланган солиқ ставкасини 50 фоизга пасайтиришга ҳақли (СК 337-м. 11-қ.).

Фойда солиғи учун солиқ даври календарь йилдир (СК 338-м. 1-қ.).

2022 йил декабрь ойида белгиланган меъёрга етган бўлсангиз, СК 337-моддаси 11-қисмида назарда тутилган жорий солиқ даври сизнинг корхонангиз учун 2022 йил, кейинги солиқ даври эса 2023 йилдир, демак солиқ ставкасини камайтириш имтиёзидан 2022 ва 2023 йилларда фойдаланишингиз мумкин. 2024 йилда сизнинг корхонангиз учун ушбу имтиёз муддати тугаган ҳисобланади.

Корхонангиз 2024 йил учун фойда солиғини 15% ставкада тўлаши керак. Фойда солиғи суммаси солиқ даврининг бошидан ошиб борувчи якун билан ҳисобланишини инобатга олган ҳолда (СК 339-м. 2-қ.), 2024 йил 1-чораги учун солиқ ҳисоботингизни қайта топширишингиз ва тўланган солиқ суммаси кам бўлса, қўшимча тўлов амалга оширганингиз маъқул бўлади. Бу вазиятда СК 110-моддаси тартибида устама (пеня) ҳисобланади.

Солиқни (йиғимни) нотўғри ҳисоблаб чиқариш ёки бошқа ғайриқонуний ҳаракатлар (ҳаракатсизлик) натижасида солиқ (йиғим) суммасини тўламаслик ёки тўлиқ тўламаслик, агар бундай қилмиш Солиқ Кодекснинг 223, 226 ва 227-моддаларида назарда тутилган солиққа оид ҳуқуқбузарликлар аломатларини ўз ичига олмаган бўлса, тўланмаган солиқ (йиғим) суммасининг йигирма фоизи миқдорида жарима солишга сабаб бўлади (СК 224-м.).

Қўшимча материал:

https://buxgalter.uz/ru/question/28476