Мол-мулк солиғи ставкасини аниқлаш

Ўзбекистон Республикаси Солиқ кодексининг 411-моддаси 2-қисми 3-бандида Темир йўллар, магистраль қувурлар, алоқа ва электр узатиш линиялари, шунингдек мазкур объектларнинг ажралмас технологик қисми бўлган иншоотлар кўчмас мулк ҳисобланиб, юридик шахсларнинг мол-мулкига солинадиган солиқ солиш объекти эканлиги кўрсатилган. Шунингдек, Солиқ кодексининг 415-моддаси 3-қисми 1-бандига асосан умумий фойдаланишдаги темир йўллар, магистраль қувурлар, алоқа ва электр узатиш линиялари, шунингдек мазкур объектларнинг ажралмас технологик қисми бўлган иншоотларга ўртача йиллик қолдиқ қийматидан 0,6 фоиз ставкада солиқ солиниши белгиланган. Корхонада умумий фойдаланишдаги эмас, балки корхонанинг ўзи фойдаланадиган шундай объектлар бор.