Ушбу ҳолатда жавобгар сифатида бизнинг позициямиз қандай бўлади? Даъвогар (собиқ ходим)га ўз вақтида меҳнат дафтарчаси берилганлигини ёки буйруқдан кўчирма берилганлигини тасдиқлаш имконияти борми?

Саволнинг ID си: 29176

Ходим 2013 йилда ИИВ таркибидан хизматдан бўшатилган. 2024 йил май ойида адвокатлик бюроси орқали хизматдан бўшатилганлиги бўйича буйруқдан кўчирма олинган. Лекин ходимнинг шахсий ҳужжатлар йиғма жилдида 2013 йилдан буён меҳнат дафтарчаси ёки буйруқдан кўчирма олганлигини тасдиқловчи ҳужжат мавжуд эмас. Ҳозирги кунда ишга тиклаш бўйича судга мурожаат қилмоқда. Суд жараёнида ходимнинг ўзи ишдан кетганлигидан хабари бўлганлигини, лекин шу кунга қадар ҳеч қандай ҳужжат берилмаганлигини ва таништирилмаганлигини айтмоқда.