Чет эллик мол етказиб берувчи хар гал қарздан воз кечиш тўғрисида хат бериши мумкинми

Саидова Дилором Бахтияровна

Должность: Эксперт "Нормы", налоговый консультант

Сизнинг ҳолатда чел эллик мол етказиб берувчи мол етказиб берилгандан кейин қарздорликдан воз кечиши тўғрисида хат бермоқда. Импорт шартномага ҳар қандай ўзгаришлар қўшимча келишув билан расмийлаштирилади ва худди асосий шартнома каби ТСОЯЭАТда рўйхатдан ўтказилади (14.05.2020й. 283-сонли ВМҚ, 5 -б.). Хизмат кўрсатувчи банк импорт шартномани ҳисобдан чиқаради.

Солиқ қонунчилиги бўйича мол етказиб берилгандан кейин мол етказиб берувчи қарзидан воз кечганда харидорда солиқ солинадиган даромад юзага келади ва фойда солиғига тортилади (СК 297-м.).

Хўжалик юритувчи субъектларнинг ташқи савдо контрактлари ва инвойслари мониторинги валютани назорат қилувчи органлар ва тижорат банклари томонидан ТСОЯЭАТ орқали амалга оширилади (14.05.2020й. 283-сонли ВМҚ, 22 -б.).

Ҳар гал чет эллик мол етказиб берувчи қарзидан воз кечиши тўғрисида ҳат бериб, қарздорликдан воз кечса, назорат қилувчи органлар диққатни тортиши табиий. Қарздан воз кечиш қонунга хилоф эмас, лекин экспертнинг фикрича, мунтазам равишда бундай бўлса, қарздорлик нақд пул кўринишида ёки ўзгача усул билан аслида ёпилмоқда деган нуқтаи назардан қўшимча суриштирув ёки текширувларга сабаб бўлиши мумкин.